بعد السّخرية من صورته القديمة.. تامر حسني يرد

ردّ الفنّان المصري تامر حسني على الأشخاص الذين سخروا من صورته القديمة بعد يومين من تداولها في بداية حياته وسخرية المصريين منها على مواقع التواصل الاجتماعي، وأكّد تامر حسني أنّها بالفعل صورته.

وكتب حسني في تدوينة له على صفحته على موقع “فيسبوك” أنّ الصّورة فعلاً له وكان وقتها يقلّد الفنانين والمشاهير في وقت لم يكن لديه أموال أو والد يحقق له طلباته ويشتري له ما يريد، مؤكداً أنه تعهّد بنشر تلك الصورة عندما يكبر ويحقق حلمه.وأضاف أنه ينصح الذين سخروا من الصورة أن يحققوا أحلامهم وينجحوا مثله، مقدماً الشكر لـ”الشاب الصغير تامر حسني الذي صبر وأصر على تحقيق حلمه وقدم منه رجلا وفنانا وإنسانا اسمه تامر حسني”.
وجاء في نص التدوينة: “وانا صغير وشغلت ناس كتير وفضلوا يتريقوا على الصوره. في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً. اللي عايز اقوله اني من يوم الصوره دي وانا حالف اني اتصورها بجد وانا مشهور. الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه. انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على أهلك من وانت فالسن ده. شكراً يا ولد يا صغير اصرارك عمل مني راجل انسان فنان اسمه تامر حسني”.